Рекорден број пожари во Македонија: Активни 21 жариште низ државата

Македонија се соочува со еден од најтешките денови ова лето во борбата со пожарите.

Според последните податоци од Центарот за управување со кризи, до 17:00 часот активни се 21 пожар низ државата.

Станува збор за најголем број истовремено активни жаришта регистрирани оваа сезона.

Пожари во повеќе делови од Македонија

Огнот зафаќа шуми, ниска вегетација, стрништа, ниви и други површини.

Пожари се регистрирани и во урбани средини.

Високите температури и сувото време дополнително го отежнуваат гаснењето.

На терен се противпожарни екипи, шумски служби и претставници на локалните самоуправи.

Ова се 21 активен пожар

Според ЦУК, активни се пожарите на следните локации:

• Македонски Брод – м.в. Видуш, во близина на село Драгов Дол, каде гори ниска вегетација, нискостеблеста шума и грмушки.
• Студеничани – над селата Моране, Вртекица и Рамни Габер, каде е зафатена мешана шума.
• Студеничани – село Батинци, каде гори отпад.
• Илинден – населба Илинден, каде гори ниска вегетација.
• Желино – село Чифлик, со пожар на ниска вегетација и мешана шума.
• Зелениково – село Строхијадица, каде гори шума.
• Кичево – село Осој, каде гори плевна.
• Кичево – село Манастирско Доленци, каде е зафатена шума.
• Дебрца – од село Климештани кон Ботун, каде гори ниска вегетација.
• Јегуновце – село Копанце, каде гори шума и ниска вегетација.
• Тетово – село Џепчиште, со пожар на ниска вегетација.
• Теарце – село Пршовце, каде гори ниска вегетација.
• Гостивар – кај „Глоба Балкан Груп“, каде е зафатена ниска вегетација.
• Чаир – кај Специјалното училиште „Иднина“ и Поликлиника Чаир, каде гори ниска вегетација.
• Прилеп – село Тополчани, кај млинот, каде гори висока вегетација.
• Новаци – село Маково, каде гори ниска вегетација.
• Штип – село Врсаково, со пожар на ниска вегетација.
• Битола – село Драгош, каде гори ниска вегетација.
• Центар Жупа – Центар Жупа, каде гори нива.
• Ѓорче Петров – кај железничката станица, каде гори ниска вегетација.
• Скопје – улица „Гоце Делчев“, каде исто така е зафатена ниска вегетација.

Апел за максимална претпазливост

Надлежните апелираат граѓаните да бидат исклучително внимателни поради високите температури и сувата вегетација.

Сите расположливи екипи се ангажирани на терен и се обидуваат да ги стават пожарите под контрола.

Рекорден број пожари во Македонија се активни во текот на денот, со вкупно 21 жариште до 17:00 часот.

Share on Facebook

Tweet

Follow us

Save