Во основните училишта во Гази Баба секој понеделник наставата ќе почнува со македонската химна

07/09/2026 14:19

Во основните училишта во Гази Баба секој понеделник наставата ќе започнува со интонирање на химната на Република Македонија, одлучи Општината.

Од локалната самоуправа велат дека целта е кај учениците уште од најмала возраст да се негува почитта кон државата и нејзините национални симболи.

„Химната не е само песна“

Од Општина Гази Баба посочуваат дека химната има значење кое оди подалеку од самото нејзино изведување.

„Химната не е само песна. Таа е симбол на нашата слобода, државност, историја и на жртвата на генерациите што се бореле за самостојна и независна Македонија“, наведуваат од Општината.

Според нив, училиштата покрај образовната имаат и важна воспитна улога.

Почит кон националните симболи

Од Општината посочуваат дека преку образованието се градат знаењето и иднината на децата.

Истовремено, додаваат, учениците треба да се воспитуваат да ја почитуваат татковината, националните симболи и вредностите што го обединуваат општеството.

„Љубовта кон Македонија се создава и негува уште од најмала возраст – во семејството, во училиштето и во секојдневниот живот“, велат од Општина Гази Баба.

Во основните училишта во Гази Баба секој понеделник наставата ќе почнува со македонската химна, согласно новата одлука на Општината.