По хаваријата во „Нова Македонија“: Вработените во осум институции ќе работат од дома

29/09/2026 19:17

Вработените во осум институции ќе работат од дома по техничката хаварија во административната зграда „Нова Македонија“.

Владата на денешната седница ја разгледала состојбата во објектот и активностите што се преземаат за санација на последиците.

Причина за привремената реорганизација е продирањето вода во дел од електричните инсталации.

Пред зградата повторно да биде ставена во редовна функција, треба да се извршат дополнителни проверки.

Надлежните служби треба да ја проверат електричната инсталација и безбедноста на објектот.

Дури по завршувањето на овие постапки ќе може да се утврди кога вработените ќе се вратат на работните места.

Хаос во административната зграда „Нова Македонија“: Пукната цевка поплави кат, зградата остана без струја

Владата донела заклучок со кој на институциите сместени во зградата им се препорачува привремено да го организираат работењето од дома.

Мерката се однесува на вработените во осум државни институции.

Од Владата велат дека целта е да се заштитат здравјето и безбедноста на вработените.

Во исто време, институциите треба да продолжат да функционираат без поголем прекин во работата.

Надлежните екипи продолжуваат со отстранување на последиците од хаваријата.

Се работи и на создавање услови за безбедно повторно користење на објектот.

Претходно, по пукање на цевка, дел од зградата беше поплавен, а електричната енергија беше исклучена од безбедносни причини.

Вработените во осум институции ќе работат од дома сè додека не завршат техничките проверки и санацијата на зградата „Нова Македонија“.