Талибанците се снимени во луна парк, еден ден откако го освоија главниот град на Авганистан, Кабул. Новинарот на Ројтерс, Хамид Шализи, кој известува од Кабул, ги сподели видеата на Твитер.
Талибанските борци, некои од нив со оружје во рака, може да се видат како уживаат во возењето по електричните автомобили на видеата. Во друго видео, може да се видат талибански борци како јаваат на рингишпил.
Неодамна, социјалните медиуми беа преплавени со сцени од Авганистан додека Талибанците ја преземаат власта.
Едно видео кое се врти на Интернет покажува неколку талибански бунтовници што се движат по улиците со микрофон на известувачот и ги замолуваат луѓето да споделат колку се среќни под „владеењето на Талибанците“.
И она што е пострашно е дека еден од придружниците на споменатите „новинари“ изгледа како да носи пиштол во раката, иако го држи спуштен.
Видеото првично беше споделено на Твитер од сметка наречена @Zabehulah_M33, и се тврди дека е Официјален твитер профил на портпаролот на Исламскиот емират на Авганистан, Забихула Муџахид.
