УТРОВО ПУКАЊЕ ВО СКОПСКО БАТИНЦИ: Едно лице загина, а едно е повредено во пукање од возило
01/07/2024 12:41
Едно лице почина, а едно е поврдено и пренесено во Ургентниот центар во Скопје денеска претпладне во село Батинци кога во нив било пукано од автомобил, соопшти МВР. Полицијата работи на пронаоѓање на сторителите и расчистување на случајот.
-На 01.07.2024 во 09,25 часот во СВР Скопје е пријавено дека во с.Батинци, скопско, две лица со патничко возило „мерцедес“ пукале кон патничко возило „форд“ во кое биле А.Б.И.(34) и З.И.(31), двајцата од с. Црн врв. На местото на настанот починал А.Б.И., а З.И. се здобил со повреди и е пренесен за укажување лекарска помош во Ургентен центар-Скопје, се посочува во информацијата од МВР.
СВР Скопје во координација со Одделот за специјални полициски операции и Одделот за воздухопловни единици преземаат мерки и активности за пронаоѓање на сторителите и расчистување на случајот.
![policija-mvr[1]](https://mkinformer.com/wp-content/uploads/2021/05/policija-mvr1.png "ЕВЕ ШТО НАВИСТИНА СЕ СЛУЧИЛО СО МОМЧЕТО КОЕ СЕ САМОЗАПАЛИ И ИМ ПОДЛЕГНА НА ПОВРЕДИТЕ")
