Гостивар: Петгодишно дете повредено по пад од балкон, пренесено во Скопје
Пријавено од Ургентниот центар
Петгодишно дете е повредено откако вчера паднало од балкон во семејна куќа во Гостивар. Случајот бил пријавен во ОВР Гостивар од Ургентниот центар во 19:00 часот.
Пренесено во Скопје
Детето по укажаната прва помош е пренесено во Комплексот клиники „Мајка Тереза“ во Скопје за понатамошно лекување, информираа од МВР.
Увид на местото
Увид на местото извршила полициска екипа од Гостивар. Околностите околу падот се во фаза на утврдување.
