Скопје меѓу 12-те најзагадени градови во светот: Воздухот достигнува критични нивоа
25/01/2025 12:35
Скопје денес се најде на 12-то место на листата на најзагадени градови во светот, со воздух кој се наоѓа речиси во „црвената зона“. Според последните податоци, нивото на PM10 честичките достигнало 140, што укажува на високо ниво на загаденост и опасност за здравјето на граѓаните.
Овој индекс на загаденост укажува на критични услови за дишење, особено за луѓето со хронични респираторни проблеми, деца и стари лица. Високата концентрација на PM10 честички во воздухот може да предизвика сериозни здравствени проблеми, како што се респираторни и кардиоваскуларни заболувања.
Граѓаните се повикуваат да бидат особено внимателни, да избегнуваат долг престој на отворено, и да носат маски за заштита, особено во денови со висока загаденост. Ова е само еден од многуте алармантни индикации дека квалитетот на воздухот во Скопје е сериозно загрозен и потребни се итни мерки за намалување на загадувањето.
