„Кнеле“ уапсен со дрога поврзана со Раде Штекли во скопската населба Керамидница

Дарко Голубовски, познат како „Кнеле“, е скопски жител од населбата Керамидница и е познат во некои кругови како “преварант” и „шемаџија“. Негов идол е белградскиот криминалец Александар Кнежевиќ Кнеле. Тој беше уапсен заради дрога што му припаѓала на Раде Трајковски, познат како Штекли.

Околу четири и пол килограми кокаин беа пронајдени кај две лица, од кои едно е Дарко Голубовски од Керамидница, познат во скопските кругови како Кнеле. Како што информираше директорот на Бирото за јавна безбедност, Александар Јанев, станува збор за лица кои се поврзани со Штекли.