Гробницата на папата Франциск ги шокираше посетителите, сите се прашуваат едно нешто
05/05/2025 10:51
Гробницата на папата Франциск во базиликата Санта Марија Маџоре во Рим предизвикува загриженост кај некои посетители. Причината е натписот на гробот.
Иако јасно можете да го прочитате „Франциск“ (на латински), нешто сепак не изгледа како што треба. Имено, просторите меѓу буквите се нерамни. Особено помеѓу буквите R и A, просторот е поголем отколку помеѓу другите букви, па така наместо „Франциск“ (Francisk), може да се прочита (Fr ancisk) или во превод „Отец Анциск”.
Според изворите, овој гравиран натпис на мермер веќе предизвикал забуна кај посетителите и на социјалните мрежи.
Папата Франциск почина на Велик Понеделник. За неговото последно почивалиште, тој избрал место во левиот ходник на базиликата Санта Марија Маџоре, кое е достапно за посетителите во текот на работното време.
Зошто натписот е нерамномерен?
Некои шпекулираат дека станува збор за грешка при испишување. Други се прашуваат дали овој распоред на букви има некое посебно значење.
Ватиканските власти сè уште не дале официјално објаснување, но гробницата веќе го привлекува вниманието на бројни верници и љубопитници.
