СОВЕТОТ НА ОПШТИНА ЃОРЧЕ ПЕТРОВ ДОБИ НОВ ПРЕТСЕДАТЕЛ: СЛАВЧО МИСАЈЛЕСКИ ЈА ПРЕЗЕМА ФУНКЦИЈАТА
20/05/2025 22:35
На денешната 55та седница на Советот на Општина Ѓорче Петров, за нов претседател на Советот беше избран Славчо Мисајлески – советник од редовите на ВМРО-ДПМНЕ, кој во моментот го реализира својот втор мандат во локалниот советнички состав. Мисајлески е познат по својата досегашна посветеност и активна улога во советничката работа, а со новата функција ќе го преземе раководењето со највисокиот општински орган на одлучување.
По повод изборот, градоначалникот на Општина Ѓорче Петров, Александар Стојкоски, истакна: „Верувам дека Славчо Мисајлески ќе го вложи целиот свој капацитет, искуство и енергија во интерес на граѓаните и во насока на уште поефикасна и одговорна работа на Советот. Му го честитам изборот и му посакувам успешна и конструктивна работа.“
Покрај изборот на нов претседател, Советот доби и нов член – Бранкица Дукоски од урбаната заедница Хром, исто така од редовите на ВМРО-ДПМНЕ. Таа на денешната седница положи заклетва и официјално го започна својот мандат како дел од оветничкиот тим.
Славчо Мисајлески доаѓа на функцијата претседател на Советот на Општина Ѓорче Петров откако претходниот претседател, Д-р Ленче Нелоска беше поставена за нов директор на Геронтолошкиот завод во Скопје, откако претходниот директор беше приведен во полициска акција поради сомнежи за примање поткуп.
На денешната 55та седница на Советот на Општина Ѓорче Петров, за нов претседател на Советот беше избран Славчо Мисајлески – советник од редовите на ВМРО-ДПМНЕ, кој во моментот го реализира својот втор мандат во локалниот советнички состав. Мисајлески е познат по својата досегашна посветеност и активна улога во советничката работа, а со новата функција ќе го преземе раководењето со највисокиот општински орган на одлучување.
