Нови детски градинки во Ѓорче Петров: Стојкоски најави пет нови објекти во наредниот мандат
01/10/2025 13:13
Александар Стојкоски, кандидат за градоначалник на Ѓорче Петров од ВМРО-ДПМНЕ, денеска потпиша договор за изградба на нова детска градинка во населбата Дексион, на локацијата на старата градинка. Изведбата започнува веднаш, а Стојкоски изрази задоволство од овој проект кој ќе ги задоволи потребите на најмладите жители на општината.
Во својот пост на Фејсбук, Стојкоски истакна дека општината континуирано работи на проширување на капацитетите за сместување на деца во градинките. Тој спомена дека веќе е завршена градинката во Волково, а се гради и првата градинка во Стопански Двор. Во наредниот мандат, Ѓорче Петров ќе добие уште пет нови градинки: во Стопански Двор, Дексион, Александрија, Димитар Поп Георгиев Беровски и Македонска Војска.
Стојкоски нагласи дека овие инвестиции се дел од напорите за модернизација на општината и подобрување на условите за живот на граѓаните.
