СЕ ОГЛАСИ МАКРОН ПОСЛЕ „ШАМАРИТЕ“ ОД БРИЖИТ: Јас ја закачав, ние само се шегувавме
26/05/2025 18:25
Францускиот претседател Емануел Макрон даде изјавата како реакција на видео кое предизвика големо внимание на социјалните мрежи. На видеото, неговата сопруга, Брижит Макрон, може да се види како ги става двете раце на неговото лице и, наизглед, го турка настрана непосредно пред да се симнат од претседателскиот авион по пристигнувањето во Виетнам, во рамки на нивната турнеја низ Југоисточна Азија.
Иако снимката предизвика различни шпекулации и коментари, особено поради необичниот момент меѓу претседателската двојка, Макрон објасни дека ситуацијата била пријателска и шеговита. Сцената е снимена во неформален момент, а според Макрон, одразува блискост и чувство за хумор меѓу него и Брижит.
Моментот брзо стана вирален и предизвика бурни реакции во Франција, откако видеото на кое Брижит Макрон, наизглед, го турка Емануел Макрон пред да излезат од авионот, започна да кружи на социјалните мрежи и во медиумите. Камерите го фатија интерактивниот и необичен момент веднаш по отворањето на вратата на претседателскиот авион, што на многумина им изгледаше како недвосмислено одбивање или напнатост.
Францускиот дневен весник „Ле Паризиен“ на својата веб-страница објави наслов кој ја отслика реакцијата на јавноста: „Шамар или брачна кавга? Видеото од слетувањето на Емануел и Брижит Макрон во Виетнам предизвика лавина од коментари“.
Сепак, претседателот Макрон наскоро даде изјава пред медиумите, во која ја смири ситуацијата со зборовите: „Само се шегувавме.“ Тој истакна дека станува збор за краток, интимен момент на блискост и шега со неговата сопруга, со која е во брак од 2007 година. Макрон потсети и на нивната долга заедничка историја – љубовна приказна која започнала уште во неговите средношколски денови, кога Брижит била негова наставничка.
И покрај неговото објаснување, моментот остана тема на дискусија, уште еднаш покажувајќи колку секој гест на јавните личности може да биде под лупа и подложен на разни толкувања.
Францускиот претседател Емануел Макрон даде изјавата како реакција на видео кое предизвика големо внимание на социјалните мрежи. На видеото, неговата сопруга, Брижит Макрон, може да се види како ги става двете раце на неговото лице и, наизглед, го турка настрана непосредно пред да се симнат од претседателскиот авион по пристигнувањето во Виетнам, во рамки на нивната турнеја низ Југоисточна Азија.
![tramp[1]](https://mkinformer.com/wp-content/uploads/2021/08/tramp1.jpg "Министерката на Трамп: Агенти сакале да депортираат канибал, тој почнал да се јаде во авионот")
