ПРЕСТРЕЛКА ПОМЕЃУ КРИМИНАЛНИ МИГРАНТСКИ ГРУПИ ВО САРАЕВО, ПЕТ ПОВРЕДЕНИ

Вооружен судир меѓу криминални групи во близина на мигрантскиот камп во Блажуј, кај Сараево, заврши со петмина тешко повредени и шест хоспитализирани лица, потврди Министерството за внатрешни работи на Кантонот Сараево за порталот Klix.ba. Според информациите, две од повредените лица се во животна опасност.

Идентитет на повредените

Меѓу повредените има еден државјанин на Пакистан и пет лица од Авганистан, што упатува на тоа дека инцидентот е поврзан со мигрантските заедници кои престојуваат во кампот во Блажуј, еден од најголемите транзитни центри за мигранти на територијата на Босна и Херцеговина.

Полицијата во акција

По судирот, полицијата спроведе интензивна акција за пребарување на теренот, користејќи и дронови за откривање на сите учесници во настанот. Неколкумина осомничени веќе се приведени и наоѓаат во полициска станица со статус на осомничени, додека повеќе лица се испрашани како сведоци.

Министерството најави дека истрагата продолжува со несмален интензитет, со цел целосно расветлување на случајот и утврдување на причините и можната поврзаност со организирани криминални структури меѓу мигрантските групи.

Овој настан уште еднаш ја отвора темата за безбедноста во и околу мигрантските центри во Босна и Херцеговина, како и за предизвиците со кои се соочуваат властите при справувањето со насилството и организираниот криминал во овие области.

Share on Facebook

Tweet

Follow us

Save