НЕМА ВОДА ВО БОЛНИЦАТА ВО КОЗЛЕ: Децата ќе се хоспитализираат на Детска и на Инфективна клиника
18/07/2025 14:45
Министерството за здравство информира дека поради прекин во водоснабдувањето на Универзитетската клиника за белодробни заболувања кај децата – Козле, итно е побарана поддршка од Универзитетската клиника за детски болести и од Универзитетската клиника за инфективни болести и фебрилни состојби.
Овие установи привремено ќе ги примаат пациентите кои имаат потреба од болничко лекување. Во меѓувреме, во Клиниката во Козле ќе се продолжи со амбулантски прегледи и третмани во дневната болница.
Од Министерството истакнуваат дека целта е да се обезбеди непрекината здравствена грижа за најмладите пациенти. Дополнително, информираат дека ситуацијата се следи внимателно, и веднаш по стабилизирање на водоснабдувањето, ќе се обнови и редовната хоспитализација во Козле.
Министерството за здравство информира дека поради прекин во водоснабдувањето на Универзитетската клиника за белодробни заболувања кај децата – Козле, итно е побарана поддршка од Универзитетската клиника за детски болести и од Универзитетската клиника за инфективни болести и фебрилни состојби.
