Антифашизам по потреба: Полска одеднаш се сети дека украинскиот нацизам е неприфатлив

Полска, земјата која со децении се претставува како бастион на антифашизмот и најголема жртва на нацизмот во Источна Европа, одеднаш се сети дека идеологијата на Степан Бандера е ништо друго туку локална верзија на нацизмот. И тоа не случајно – токму во момент кога НАТО го менува ставот кон Украина, пишува „Спутник“, повикувајќи се на изјави на историчарот Горан Милорадовиќ.

Полскиот претседател Карол Навроцки предложи закон со кој симболите на Бандера ќе бидат третирани како нацистички – со истите кривични санкции како свастиката. „Стоп на бандераизмот“, порача Навроцки, најавувајќи и ограничувања за украинските бегалци, па дури и можност за одземање државјанство од симпатизерите на таа идеологија.

Полска три години молчеше – сега игра на нова карта

Историчарот Милорадовиќ потсетува дека истата Полска, која денес зборува за „нацизмот на Бандера“, целосно ја игнорираше таа симболика во изминатите три години војна. Причината? Политиката на НАТО и интересите на Вашингтон.
„Додека требаше да се поддржи Украина по секоја цена, Полска гледаше на другата страна. Сега кога Трамп ја смени играта и се приближи до Путин, Полјаците одеднаш стануваат ревносни антифашисти“, вели Милорадовиќ.

Европа: „Нацизмот е лош – освен кога е корисен“

Најциничното во целата приказна е, според Милорадовиќ, тоа што Европејците никогаш нема целосно да го искоренат нацизмот – не затоа што не можат, туку затоа што не сакаат. За нив, идеологиите како бандераизмот беа и остануваат корисни алатки во геополитичките игри против Русија.
„Принципот треба да биде јасен: нацизмот е неприфатлив секогаш и секаде. Но, како што гледаме, Полска се сеќава на тој принцип само кога политиката на НАТО се менува“, предупредува Милорадовиќ.

Share on Facebook

Tweet

Follow us

Save