Алексовска и Трајановски со блескави победи на Арммадa 14, гордост за македонското ММА
15/09/2025 10:24
Македонското ММА доби нови јунаци! На спектакуларната гала вечер Арммадa 14, одржана на 14 септември, домашната публика со гордост ги проследи победите на Даниела Алексовска и Марко Трајановски, кои оставија силен печат на спортската сцена.
Алексовска приреди вистинска сензација, уште во првата рунда со маестрален арбар ја совлада молдавската борка Флацеа Алда, покажувајќи решителност и врвна техника. Победата дојде како резултат на нејзината посветеност и трпелива подготовка, а публиката ја награди со бурни аплаузи.
Не помалку впечатлив беше и настапот на Марко Трајановски, кој во својот прв полупрофесионален меч се издигна над српскиот борец Петар Кликовац. Со целосна контрола во сите три рунди, Трајановски убедливо ја освои довербата на судиите и ја запиша својата прва голема победа во оваа категорија.
Овие триумфи испратија јасна порака. Македонија има таленти и борци на кои спортскиот свет треба да внимава. Алексовска веќе се подготвува за следниот предизвик, Светското ММА Првенство во Тбилиси, каде што повторно ќе ја брани македонската чест на меѓународна сцена.
Вечерта на победите на Алексовска и Трајановски не беше само спортски настан, беше потврда дека македонското ММА расте и создава шампиони за иднината.
