Медиумска анализа: ТВ 24, Наша и ТВ 21 – политика, реклами и финансиски резултати
26/09/2025 12:30
Според најновата анализа на Агенцијата за аудио и аудиовизуелни медиумски услуги, заедничките приходи на телевизиите 24, Наша, Шења, ТВ 21 и Сонце за минатата година изнесувале 142,27 милиони денари. Сепак, вкупните трошоци на овие телевизии достигнале 181,21 милиони денари, што резултирало со загуба од 39,82 милиони денари.
Значителен дел од приходите, 48,75%, потекнуваат од платено политичко рекламирање. Ако се исклучат овие приходи, вкупните приходи се намалуваат за 18,65% во однос на претходната година.
24 Вести и Компани 21-М сочинуваат 75% од вкупните приходи на овие телевизии, со што се потврдува нивната доминантна позиција на пазарот. Приходите од продажба на рекламно време изнесувале 135,90 милиони денари, од кои 66,54 милиони денари се од комерцијално рекламирање, а 69,36 милиони денари од платено политичко рекламирање.
24 Вести прикажала највисоки приходи од комерцијално огласување, со 30,13 милиони денари, што претставува 45,28% од вкупниот рекламниот пазар. Од друга страна, Компани 21-М остварила највисоки приходи од платено политичко рекламирање, со 37,65 милиони денари, што е повеќе од приходите од комерцијално рекламирање во текот на целата година.
Анализата исто така покажува пад од 15% во приходите од комерцијално рекламирање во споредба со претходната година. 24 Вести и Наша ТВ прикажале повисоки приходи, додека Компани 21-М забележала намалување од 48% во приходите од реклами.
