Премиерот на Србија, Ѓуро Мацут, утре во официјална посета на Скопје
02/10/2025 16:01
Утре, 3 октомври 2025 година, премиерот на Република Србија, проф. д-р Ѓуро Мацут, ќе престојува во работна посета на Република Македонија. Во рамките на посетата, тој ќе се сретне со премиерот на Република Македонија, Христијан Мицкоски, и со вицепремиерот Иван Стоилковиќ, најавуваат од српската Влада.
Посетата на премиерот Мацут е дел од напорите за зајакнување на билатералните односи и продлабочување на соработката помеѓу двете земји. Очекувањата се дека средбите ќе се фокусираат на теми од заеднички интерес, како што се економската соработка, безбедноста, инфраструктурните проекти и европските интеграции.
Оваа посета е значајна во контекст на актуелните политички и економски предизвици во регионот и претставува можност за дополнително унапредување на партнерството меѓу Македонија и Србија.
