(Видео)Зеленски пристигна во Белград: Средби со Вучиќ и Мацут, три клучни теми на маса

Зеленски пристигна во Белград, каде што денеска и утре ќе има серија средби со српскиот државен врв, меѓу кои и со претседателот Александар Вучиќ и премиерот Ѓуро Мацут.

Украинскиот претседател соопшти дека во фокусот ќе бидат економските односи, европскиот пат на двете земји и безбедносните прашања.

Зеленски: Украина е подготвена за конструктивна соработка

„Пристигнав во Србија со мојот тим. За денес и утре се закажани важни разговори – со претседателот Александар Вучиќ и премиерот Ѓуро Мацут“, објави Зеленски.

Тој најави разговори за проширување на економските врски, односите со Европската Унија и други области од заемен интерес.

Според Зеленски, Украина е подготвена да работи конструктивно и врз основа на взаемно почитување.

I arrived in Serbia with my team. Important talks are scheduled for today and tomorrow – with President Aleksandar Vučić and Prime Minister Đuro Macut. We will discuss expanding economic ties between our countries, relations with the European Union, other areas that can benefit… pic.twitter.com/97FE3H3RBx

— Volodymyr Zelenskyy / Володимир Зеленський (@ZelenskyyUa) August 7, 2026

Вучиќ приреди вечера во чест на Зеленски

Српскиот претседател Александар Вучиќ приреди вечера во чест на Зеленски, кој за првпат престојува во официјална посета на Србија.

Вучиќ порача дека очекува посетата да придонесе за понатамошен развој на односите меѓу Србија и Украина.

Тој наведе дека вечерата била можност да се отворат темите што ќе бидат во фокусот на официјалните разговори.

Официјалната церемонија во 10:30 часот

Според најавената агенда, церемонијата на добредојде е закажана за 10:30 часот пред Палатата „Србија“.

Средбата лице в лице меѓу Вучиќ и Зеленски е планирана за 10:45 часот.

Во 11:15 часот треба да започне средбата на делегациите на двете земји.

Ќе биде потпишан и меморандум за соработка

Во 12 часот е предвидено потпишување Меморандум за разбирање меѓу српското Министерство за земјоделство, шумарство и водостопанство и украинската Државна служба за безбедност на храната и заштита на потрошувачите.

Документот се однесува на соработка во областа на здравјето на животните и безбедноста на храната.

Изјавите на Вучиќ и Зеленски за медиумите се закажани за 12:05 часот.

Три клучни теми на разговор

Вучиќ претходно најави дека во разговорите со Зеленски ќе доминираат три теми.

Првата е европскиот пат на Србија и Украина.

Втората е билатералната економска соработка, а третата е енергетската соработка меѓу двете земји.

Српскиот претседател оцени дека Белград и Киев се соочуваат со слични предизвици на патот кон Европската Унија.

Зеленски пристигна во Белград на својата прва официјална посета на Србија, а средбите со српскиот државен врв треба да опфатат економија, евроинтеграции, енергетика и безбедност.