Нестабилно и дождливо време до понеделник, стабилизација од вторник
08/11/2025 10:13
Денеска и утре ќе преовладува променливо облачно време со локални врнежи од дожд, кои повремено ќе бидат пообилни, најавуваат метеоролозите.
Процесите ќе бидат поинтензивни во форма на невреме, со пороен дожд над 30 литри на метар квадратен за 24 часа, засилен ветер и појава на грмежи.
Ќе дува умерен до засилен ветер од јужен правец, а долж Повардарието ветер од југоисточен правец.
🌡️ Минимална температура: од 6 до 12 степени
🌡️ Максимална температура: од 12 до 17 степени
🌧️ Времето во Скопје:
Во главниот град ќе биде променливо облачно со повремени врнежи од дожд. Ќе дува умерен до засилен југоисточен ветер, а температурите ќе се движат од минимални 10 до максимални 16 степени.
🌤️ Прогноза за наредните денови:
Под влијание на влажна и нестабилна воздушна маса, до понеделник ќе преовладува облачно и нестабилно време со локални врнежи од дожд, кои повремено ќе бидат пообилни и проследени со грмежи.
Од вторник се очекува постепено стабилизирање на времето и пораст на температурите, со повеќе сончеви периоди и намалување на врнежите.
Денеска и утре ќе преовладува променливо облачно време со локални врнежи од дожд, кои повремено ќе бидат пообилни, најавуваат метеоролозите.
