Руски научници уништија тумор без операција – нова ултразвучна технологија која може да ја промени онкологијата

Руски научници објавија значаен медицински пробив: првпат во земјата успешно уништија малигнен тумор со пулсирачки фокусиран ултразвук со висок интензитет, без хируршка интервенција, без загревање на ткивото и без физички контакт. Тимот од Московскиот државен универзитет „Ломоносов“, во соработка со Медицинскиот научно-образовен институт и Факултетот за фундаментална медицина, докажа дека овој метод може прецизно да го разгради туморското ткиво без да го оштети здравото.

Во експериментални услови, ултразвукот го трансформирал ткивото на лејомиосарком – еден од најагресивните и најтешки за лекување тумори – во безструктурна течност, додека околното ткиво останало целосно зачувано. Хистолошките анализи потврдиле дека ракот е целосно уништен, што укажува дека технологијата би можела да стане револуционерна за пациенти кај кои операцијата е ризична или невозможна.

Лејомиосаркомот најчесто се развива во матката, крвните садови, екстремитетите или во ретроперитонеалниот простор и често се открива доцна. Затоа, методот кој овозможува бесконтактно, безболно и прецизно таргетирање на туморот може да отвори нова ера во онколошките третмани.

Резултатите од студијата се објавени во високорангираното научно списание „Q1 Ultrasonics“, што дополнително ја потврдува важноста и валидноста на ова откритие.

Share on Facebook

Tweet

Follow us

Save