Кина започна голема акција за контрола и спречување пожари во висококатници по трагедијата во Хонг Конг
29/11/2025 22:28
Комисијата за безбедност при работа на Државниот совет на Кина објави специјална акција за откривање и отстранување на големи пожарни ризици во висококатниците, по разорниот пожар во комплексот „Ванг Фук Корт“ во Хонг Конг, каде загинаа најмалку 128 лица. Акцијата опфаќа темелни инспекции на станбени и деловни објекти, со посебен акцент на оние што се во процес на надворешна или внатрешна реконструкција.
Контролите се фокусираат на употребата на запалливи материјали, складирање опасни предмети, функционалноста на противпожарните хидранти и спринклер системи, како и исправноста на алармите и системите за одвод на чад. Ќе се санкционира секое сериозно прекршување, а одговорните за необезбедени ризици ќе се соочат со строги последици.
Почетната истрага за пожарот во Хонг Конг укажува дека пламенот започнал на пониските катови, брзо се проширил преку скелето и запаливите изолациски панели, што драматично го отежнало гаснењето. Во меѓувреме, локалните пожарникарски служби во Кина и влијателни онлајн канали споделуваат упатства за безбедност и евакуација од високи згради, со цел да се зголеми јавната свест и превенција.
Комисијата за безбедност при работа на Државниот совет на Кина објави специјална акција за откривање и отстранување на големи пожарни ризици во висококатниците, по разорниот пожар во комплексот „Ванг Фук Корт“ во Хонг Конг, каде загинаа најмалку 128 лица. Акцијата опфаќа темелни инспекции на станбени и деловни објекти, со посебен акцент на оние што се во процес на надворешна или внатрешна реконструкција.
