22 декември 1947-1991, Југославија го славела Денот на ЈНА
22/12/2025 8:41
Денот на Југословенската народна армија (ЈНА), познат и како Ден на Армијата, претставувал официјален празник на вооружените сили на поранешна СФРЈ. Празникот бил воспоставен со наредба на Врховниот командант и министер за национална одбрана на ФНРЈ, маршал Јосип Броз Тито, на 20 октомври 1947 година.
Одбележувањето се прославувало секоја година на 22 декември, во чест на формирањето на Првата пролетерска ударна бригада во 1941 година, првата оперативна и редовна единица на Народноослободителната војска. Тој датум долго време се сметал за еден од најзначајните во воената традиција на тогашната држава.
Со распадот на Југославија и формалното згаснување на ЈНА на 20 мај 1992 година, празникот престанал да се одбележува.
Во чест на Денот на ЈНА, Сојузниот секретаријат за национална одбрана традиционално ја доделувал наградата „Дваесет и втори декември“, а секои десет години, по повод јубилеите на југословенската армија, биле доделувани јубилејни комеморативни медали од страна на федералните институции.
