Вреди победи во Гостивар и Врапчиште: Честитки за Лимани и Шабани
12/01/2026 12:19
ВЛЕН е апсолутен победник на локалните избори, освојувајќи вкупно 10 општини, со што, како што оценуваат од коалицијата, е силно потврдена граѓанската доверба и масовната поддршка што Албанците ја дадоа за политичките промени на локално ниво.
Од ВЛЕН го поздравуваат официјалното завршување на локалниот изборен процес, кој заврши вчера со повторените избори во Гостивар и Врапчиште. Во оваа прилика, тие им честитаа на кандидатите на опозицијата, Валбон Лимани и Исен Шабани, за остварената изборна победа.
„Овие избори јасно покажаа дека Албанците зборуваа со еден глас. Десетте освоени општини се неоспорен доказ дека ВЛЕН е политичката локомотива на Албанците – сила што води, обединува и носи долгоочекувана промена“, се наведува во соопштението.
Од коалицијата најавуваат дека ќе продолжат со одговорна работа во интерес на граѓаните и Албанците насекаде, со цел изборната доверба да се претвори во конкретни проекти, вистински развој и подобар живот на локално ниво.
ВЛЕН е апсолутен победник на локалните избори, освојувајќи вкупно 10 општини, со што, како што оценуваат од коалицијата, е силно потврдена граѓанската доверба и масовната поддршка што Албанците ја дадоа за политичките промени на локално ниво.
