Бојан Маричиќ избран за нов претседател на ДИК со двотретинско мнозинство
28/01/2026 13:35
Со двотретинско мнозинство, Собрание на Република Македонија денеска го избра новиот состав на Државна изборна комисија (ДИК).
Од вкупно 92 присутни пратеници, 83 гласаа „за“ поранешниот министер Бојан Маричиќ да стане нов претседател на ДИК.
За потпретседател на Комисијата е избран Абдуш Демири, додека за членови на ДИК се избрани Александар Даштевски, Светлана Карапетрова, Борис Кондарко, Ангелче Ристов и Дитмире Шеху.
На јавниот повик за овие позиции биле пријавени вкупно 16 кандидати, од кои најголемиот дел се правници, но имало и кандидати со други професионални профили, меѓу кои инженер по електротехника и дефектолог.
Со изборот на новиот состав, ДИК треба да започне нов мандат со клучна улога во спроведувањето и надзорот на изборните процеси во државата, во период кога прашањата за изборниот интегритет и довербата во институциите се во фокусот на јавноста.
Со двотретинско мнозинство, Собрание на Република Македонија денеска го избра новиот состав на Државна изборна комисија (ДИК).
