Во СВР Скопје вчера (29.01.2026) околу 12:00 часот било пријавено пронаоѓање зрно од огнено оружје во куќа во село Сарај, информираат од полицискиот билтен.
Според пријавата, К.Н. (23) од Скопје навел дека околу 05:00 часот на подот во соба од куќа, сопственост на неговата баба Ј.Д. (68), забележал зрно од огнено оружје кое претходно оштетило прозорец и ѕид од објектот.
Од полицијата посочуваат дека во настанот нема повредени лица. На лице место бил извршен увид од увидна екипа на СВР Скопје, по што се преземаат мерки за целосно расчистување на случајот и утврдување на сите околности под кои дошло до оштетувањето.
Надлежните служби продолжуваат со истрагата, а повеќе детали се очекуваат по нејзиното завршување.
