Израел започна, како што го нарече, „превентивен напад“ врз Иран, соопшти израелскиот министер за одбрана Израел Кац. По почетокот на операцијата, во целата земја е прогласена „посебна и постојана вонредна состојба“.
Кац изјави дека операцијата има за цел „елиминирање на непосредните закани“ за Израел, додавајќи дека безбедносните служби се подготвени за можен одмазднички одговор.
Експлозии во Техеран
Иранските медиуми јавуваат дека во центарот на Техеран се слушнале најмалку три силни експлозии. Според агенцијата Фарс, повеќе проектили погодиле делови од главниот град, што укажува дека нападите се во тек. Засега нема официјални информации за евентуални жртви.
Во Израел, пак, во повеќе градови се огласиле сирени за воздушна опасност. Властите ги повикаа граѓаните строго да ги следат упатствата на Командата за домашен фронт и да останат во засолништа.
Израелските безбедносни служби проценуваат дека во краток рок може да следи масовен одмазднички напад од страна на Иран, кој би можел да вклучува ројеви дронови и балистички ракети.
Fumée au-dessus de Téhéran : #Israel a frappé l’#Iran, alors que #Trump met la pression.
Un travail coordonné – formellement, ce ne sont pas les #USA, qui ont frappé … pic.twitter.com/71c7OC39dt
Нападот доаѓа по 12-дневната воздушна војна меѓу двете земји во јуни и по повторените предупредувања од САД и Израел дека ќе интервенираат доколку Техеран продолжи со своите нуклеарни и балистички програми.
Британската агенција Reuters, повикувајќи се на неименуван израелски одбранбен функционер, објави дека операцијата била координирана со Соединетите Американски Држави и дека била планирана со месеци.
Истовремено, според извештаите, врховниот лидер на Иран, Али Хамнеи, е префрлен на безбедна локација надвор од Техеран. Во иранската престолнина се пријавени прекини на мобилните телефонски врски и делумен прекин на интернетот.
Ситуацијата брзо ескалира, а меѓународната заедница внимателно го следи развојот на настаните, стравувајќи од поширок регионален конфликт на Блискиот Исток.
2 thoughts on “Израел го нападна Иран”
Comments are closed.