Во февруари „Безбеден град“ регистрирал 18.172 случаи на брзо возење
02/03/2026 19:54
Во периодот од 1 до 28 февруари 2026 година, преку системот „Безбеден град“ се регистрирани вкупно 19.066 сообраќајни прекршоци на подрачјата на градовите и долж Коридорите каде што се поставени камери.
Од вкупниот број, дури 18.172 прекршоци се однесуваат на управување со возило со брзина поголема од дозволената, што претставува убедливо најчеста причина за санкционирање.
🚦 Прекршоци по вид
18.172 – брзо возење
220 – минување на затворен сигнал (црвено светло)
674 – управување со возило со измината важност на сообраќајна дозвола
Дополнително, изречени се 653 мерки „забрана за управување со возило“, од кои:
220 за минување на црвено светло
433 за брзо возење
📊 Најмногу прекршоци во Скопје
Најголем дел од прекршоците се регистрирани на подрачјето на Скопје – 12.073, што претставува 63,3% од вкупниот број.
Значителен број се евидентирани и на патните правци долж Коридорите 8 и 10 – вкупно 5.702 прекршоци.
Најмал број прекршоци се регистрирани на подрачјето на СВР Тетово – 370, како и на останати локации – 17.
📅 Статистика по недели и денови
Најмногу прекршоци во периодот 2–8 февруари: 4.991
Најмал број во периодот 9–15 февруари: 4.490
Најмногу прекршоци во еден ден: 28 февруари
Најмалку прекршоци во еден ден: 11 февруари – 377
Дневниот просек во текот на месецот изнесува 706 прекршоци.
Од надлежните апелираат до сите учесници во сообраќајот да ги почитуваат правилата и прописите, со цел зголемување на безбедноста на патиштата.
