Запален автомобилот што го управувал Курто Дудуш, нема повредени

17/03/2026 12:05

Автомобилот што го управувал градоначалникот на Шуто Оризари, Курто Дудуш, бил запален во текот на ноќта.

Според информациите, возилото е сопственост на неговата сопруга Фатима Османовска. Настанот се случил околу 3 часот по полноќ.

Неофицијално, постои снимка од подметнувањето на пожарот.

Според истите информации, сигурносни камери снимиле маскирано лице кое истурило течност врз автомобилот. Потоа возилото било запалено.

Случајот, како што се наведува, бил забележан и од сопствениците на автомобилот.

Во инцидентот нема повредени лица.

Пожарот бил изгаснат од екипа на Бригадата за противпожарна заштита Скопје.

На местото бил извршен увид од полициски екипи.

Се очекува повеќе детали откако ќе завршат проверките и увидот за случајот.