Презентирани видео-докази за движењето на возилата поврзани со киднапирањето на Вања Ѓорчевска

Обвинителството денеска во Основниот кривичен суд Скопје презентираше видео-записи како дел од доказите, на кои се гледа патничкото моторно возило Рено Кангу со регистарски ознаки СК 403 УИ, кое се движи низ Центар и Аеродром. Возилото започнува да се движи од пред седиштето на политичката партија Десна на бул. Кузман Јосифовски – Питу, насочувајќи се кон населбата Автокоманда, Гази Баба. Видео-записите се добиени од ЈП Улици и патишта Скопје.

Првиот видео-запис покажува како возилото Рено Кангу на 27.11.2023 година, во 5 часот и 33 минути и 30 секунди, пристигнува пред седиштето на партијата Десна, доаѓајќи од бул. Крушевска Република. Тоа продолжува да се движи до 5 часот и 35 минути и 15 секунди, со запалени светла, поминува на семафорот, се движи по бул. Кузман Јосифовски Питу и продолжува право, како што објасни обвинителката.

Беше презентирано и второ видео од истата локација, каде повторно се следи движењето на возилото Рено Кангу.

Третата снимка, забележана на 27.11.2023 година во 5 часот 36 минути и 15 секунди, покажува возилото Рено Кангу како пристигнува на раскрсницата меѓу бул. Кузман Јосифовски Питу и ул. Фрањо Клуз, го поминува и продолжува да се движи кон бул. Јане Сандански.

Следниот видео-запис, во 5 часот 37 минути и 32 секунди, покажува како истото возило Рено Кангу поминува на раскрсницата со бул. Јане Сандански и ул. Васко Карангелески, продолжувајќи да се движи кон Хотел Русија.

Во петтиот видео-запис, истото возило е снимено на раскрсницата меѓу бул. АСНОМ и бул. Србија во 5 часот 39 минути и 41 секунда, каде возилото се движи по десната страна, поминува и продолжува по булеварот Србија.

Следната снимка, од 5 часот 40 минути и 41 секунда, покажува како Рено Кангу се движи низ колоната возила на раскрсницата меѓу бул. Киро Глигоров и ул. Перо Наков, минува и продолжува по бул. Киро Глигоров, возејќи во средната лента.

На 27.11.2023, на раскрсницата меѓу бул. Киро Глигоров и бул. Александар Македонски, во 5 часот 42 минути и 42 секунди, возилото Рено Кангу застанува на семафор, поминува и продолжува кон населбата Автокоманда.

Посебно ЦД без снимки на возилото Мерцедес со регистарски ознаки ВЕ 2732 АД, во сопственост на обвинетиот Велибор Манев, било забележано од камерите на „Безбеден град“ на 20.11.2023 година во 9 часот 29 минути и 37 секунди. Возилото доаѓа од бул. Гоце Делчев и свртува лево по ул. Беласица. Во возилото се гледаат две лица.

Во друга папка, се презентирани 11 снимки од Цитроен со регистарски ознаки ВЕ 2931 АД, забележани на камерите на „Сејф сити“. Возилото се движи низ Скопје на 24.11.2023 година, од ул. 102 во Гази Баба, преку Маџари и Триангла, и се упатува кон ул. Наум Наумовски Борче, каде се наоѓа зградата од каде е извршено кривичното дело во случајот на оштетената Вања Ѓорчевска.

Обвинителката објасни дека пребарувањето во Сејф сити се врши преку регистарските таблички, па дури и ако на снимките табличката не е видлива, нема сомнеж дека станува збор за истото возило.

На снимка од раскрсницата кај Кривичниот суд и Мавровка се гледа возилото Цитроен, а на снимката може да се видат три лица во возилото: едно на возачкото и едно на совозачкото седиште, и едно позади. Возилото продолжува кон мостот Гоце Делчев, потоа кон Владата, возејќи во првата лева лента и се престројува да сврти лево.

Последната снимка од ЦД покажува како возилото доаѓа од ул. Михаил Цоков, минува покрај Хотел Парк и се упатува кон ул. Наум Наумовски Борче, до зградата каде живеела оштетената Вања Ѓорчевска.

Обвинителката објасни дека пребарувањето во системот „Сејф сити“ се врши преку регистарски таблички, што значи дека дури и ако табличката не е јасно видлива на снимките, нема сомнеж дека станува збор за истото возило.

На снимка од раскрсницата кај Кривичниот суд и Мавровка се гледа возилото Цитроен. На неа може да се забележи дека во возилото има три лица: едно на возачкото и едно на совозачкото седиште, и едно позади. Возилото се движи кон мостот Гоце Делчев, продолжува кон Владата, каде вози во првата лева лента и се престројува да сврти лево. Последната снимка од ова ЦД покажува како возилото доаѓа од улица Михаил Цоков, поминува покрај Хотел Парк и се упатува кон улица Наум Наумовски Борче, односно зградата каде живеела оштетената Вања Ѓорчевска.

Обвинителката нагласи дека автомобилот Цитроен се движел по иста рута како на критичниот ден, што значи дека обвинетите неколку денови пред киднапирањето ја знаеле патеката по која ќе минат, што е значаен доказ за подготовките за извршување на делото.

Во понатамошните снимки, видно е дека неколку денови пред киднапирањето, возилото Цитроен било преместувано од Триангла на друга локација која подоцна ќе се утврди како Бутел.

На 27.11.2023 година, во 6 часот 28 минути и 20 секунди, Цитроенот е забележан во Чаир на раскрсницата меѓу ул. Христијан Тодоровски Карпош и ул. Ферид Бајрам. Возилото продолжува во правец кон Центар и се движи по бул. Христијан Тодоровски Карпош, при што во него се гледаат силуети од три лица, две напред и едно позади. Потоа, Цитроенот продолжува по Џон Кедени, па по бул. Цветан Димов во Чаир, на раскрсницата кај Мавровка свртува десно и продолжува кон мостот Гоце Делчев, потоа кон Соборниот храм, па кон паркингот кај Хотел Парк каде кратко застанува и продолжува да се движи право кон зградата на оштетената Вања Ѓорчевска на улицата Наум Наумовски Борче.