23-годишник од Кондово примен во „8 Септември“ со убодни повреди
24/03/2026 14:49
Дваесет и тригодишен жител на скопското село Кондово бил примен во Градската општа болница „8 Септември“ со повреди нанесени од остар предмет.
Според информациите, на 23 март 2026 година, околу 23:00 часот, во болницата бил донесен Ф.Љ. (23) од село Кондово, кај кого биле констатирани повреди.
Случајот бил пријавен во СВР Скопје, а надлежните институции преземаат мерки за целосно расчистување на инцидентот.
Засега не се соопштени повеќе детали за околностите под кои се случил настанот, ниту за состојбата на повредениот.
