Петнаесетгодишник примен во болница со убодна рана: Повреден од друг малолетник во Гази Баба

25/07/2026 16:22

Петнаесетгодишен жител на Скопје ноќеска бил примен во ЈЗУ „Св. Наум Охридски“ со убодна рана во пределот на градниот кош.

За случајот веднаш била известена полицијата, која презема мерки за целосно расчистување на настанот.

Според Министерството за внатрешни работи, случајот бил пријавен во СВР Скопје околу 01:12 часот.

Медицинскиот персонал ја известил полицијата откако малолетникот бил примен на лекување со повреда во пределот на градниот кош.

Во разговор со полициските службеници, момчето изјавило дека било повредено во населбата Гази Баба.

Според неговото тврдење, друг малолетник, кого го познавал, го повредил со остар предмет.

Петнаесетгодишникот изјавил дека настанот се случил додека играле и дека немало намера некој да биде повреден.

Од МВР информираат дека се преземаат сите потребни мерки за да се утврдат точните околности под кои се случил инцидентот.