Митко Чавков излезе од затворот во Штип на условен отпуст
Поранешниот директор на Бирото за јавна безбедност беше осуден на 18 години за настаните од 27 април
Ексдиректорот на Бирото за јавна безбедност , Митко Чавков, денеска околу 10 часот излезе од затворот во Штип, потврди директорот на казнено-поправната установа Дејан Здравков.
Чавков е пуштен на условен отпуст по издржаниот дел од казната.
18 години затвор за „терористичко загрозување“
Чавков беше осуден на казна затвор од 18 години за „терористичко загрозување на уставниот поредок и безбедноста“ во врска со настаните од 27 април.
Тој во текот на целиот процес бараше повторно судење, а постапката постојано ја оценуваше како „политичка монтировка“.
Здравствени проблеми и прекинување на казната
Во текот на издржувањето на санкцијата, Чавков се соочуваше со здравствени проблеми поради кои во одреден период казната му беше прекинувана.
Прегратка со ќерката – прва објава по излегувањето
Откако излезе од затвор, Чавков на социјалните мрежи објави фотографија со својата ќерка, која го пречекала пред затворските порти.
На сликата се гледа трогателниот момент на прегратка меѓу таткото и ќерката, по годините поминати зад решетки.
Што следи за Чавков?
Со условниот отпуст, Чавков се здобива со слобода, но под одредени услови пропишани со закон. Доколку ги почитува, нема да се враќа на доиздржување на казната. Во спротивно, условниот отпуст може да му биде укинат.
Засега не е познато дали најавува враќање во политичкиот живот или јавни настапи.
