Аудиовизуелен спектакл: Tribute to Pink Floyd во Охрид
18/05/2026 15:04
NUMB – Tribute to Pink Floyd во Охрид: Аудиовизуелно доживување на Антички театар
Концерт на 23 јули во рамки на S.O.S. Festival
На 23-ти јули (четврток) , на сцената на „Антички театар“ во Охрид, ќе се одржи ново издание на NUMB – Tribute to Pink Floyd – проект зад кој стојат врвни музичари.
Организаторите најавуваат музичко уживање кое ќе ги задоволи апетитите и на најпребирливите обожаватели на култниот светски бенд.
Внимание на звук и сцена
И овој пат, огромно внимание ќе биде посветено како на звукот, така и на комплетниот сценски изглед. Музичкиот перформанс на Pink Floyd е аудиовизуелно доживување кое ги буди и допира сите сетила.
Во рамки на S.O.S. Festival
Настанот е во рамките на концертната програма на годинешниот S.O.S. Festival 2026, во организација на „Fresh Union – Film, Music and Booking Agency“.
Проектот е поддржан од Министерството за култура на Република Македонија.
