ПОДГОТВЕТЕ СЕ НАВРЕМЕ: Голем дел од Скопје во сабота речиси цел ден без вода
17/06/2026 12:25
Скопје без вода ќе остане во сабота, 20 јуни, во повеќе делови од градот поради санација на дефект на кејот на Вардар и на булеварот „Крсте Петков Мисирков“, информираат од ЈП „Водовод и канализација“.
Според известувањето, прекинот ќе трае од 09:00 до 22:00 часот. Без вода ќе останат поголем број улици и објекти во општините Центар, Чаир и Гази Баба.
Кои објекти ќе бидат без вода
Со прекинот ќе бидат опфатени објектот на МАНУ, Основен суд 2, Младинскиот културен центар, Универзитетската библиотека, Универзитетот „Св. Кирил и Методиј“, ТЦ „Мавровка“, дел од Турската чаршија и Саат кулата.
Без вода ќе останат и Македонската телевизија и ТЦ „Ист Гејт“.
Улици и населби опфатени со прекинот
Прекин во водоснабдувањето ќе има и на улиците „Петар Ѓеоргиев“, „Отокар Кершовани“ и „Адвокатска“, како и на дел од булеварот „Крсте Петков Мисирков“.
Со прекинот ќе биде опфатена и населбата Крњево.
Можен прекин или намален притисок и во Автокоманда
Од ЈП „Водовод и канализација“ информираат дека можност за прекин или намален притисок на водата ќе имаат и дел од жителите на Автокоманда, односно ниската зона до населбата Камник.
Скопје без вода ќе остане во сабота, 20 јуни, во повеќе делови од градот поради санација на дефект на кејот на Вардар и на булеварот „Крсте Петков Мисирков“, информираат од ЈП „Водовод и канализација“.
