Запленет златен накит вреден 1,1 милиони денари на граничниот премин Богородица
17/06/2026 13:59
Златен накит на Богородица вреден 1,1 милиони денари запленија царински службеници, откако откриле двајца косовски државјани во обид да го криумчарат.
Станува збор за четири златни ланчиња со вкупна тежина од 190,6 грама. Според информациите, осомничените го купиле накитот во Турција, а потоа го ставиле на себе и го прикриле со облеката.
Поднесена кривична пријава
Случајот е предаден на Одделението за истраги, кое против сторителите поднесе кривична пријава до ОЈО Гевгелија.
Од Царинската управа информираат дека ова е 11-та заплена на злато годинава. Досега се одземени вкупно два килограми златен накит.
Четири случаи откриени на Богородица
Четири од случаите се откриени токму на граничниот премин Богородица. Пет случаи се откриени на Меѓународниот аеродром Скопје, а по еден случај на Табановце и Блаце.
Во девет случаи, десет лица се кривично гонети од Одделението за истраги за кривично дело криумчарење, казниво согласно Кривичниот законик.
Од Царинската управа порачуваат дека службите ќе продолжат со откривање и санкционирање на обидите за криумчарење, со цел заштита на финансиските интереси на државата и фер конкурентност на пазарот.
Златен накит на Богородица вреден 1,1 милиони денари запленија царински службеници, откако откриле двајца косовски државјани во обид да го криумчарат.
