Почина Љупчо Грнчиштанов, еден од обвинетите за трагедијата во Кочани

19/06/2026 12:58

Почина Љупчо Грнчиштанов, поранешен генерален инспектор во Дирекцијата за заштита и спасување.

Тој беше еден од обвинетите во предметот за трагедијата во Кочани, соопшти Јавното обвинителство.

Според информациите од Обвинителството, Грнчиштанов починал откако му се слошило во неговиот дом.

Ќе биде издадена наредба за обдукција

Основното јавно обвинителство Скопје ќе издаде наредба за обдукција.

Целта е да се утврдат точните причини за смртта.

Грнчиштанов ја извршувал функцијата генерален инспектор и раководител на Инспекциската служба во Дирекцијата за заштита и спасување.

На оваа функција бил во периодот од 15 јануари 2013 до 16 март 2025 година.

Грнчиштанов беше меѓу 38-те обвинети во судскиот процес за пожарот во дискотеката „Пулс“ во Кочани.

Тој се товареше за кривичното дело „тешки дела против општата сигурност“.

Судската постапка за трагедијата е во фаза на изведување докази.

Следното рочиште е закажано за 25 јуни.

Тогаш Обвинителството треба да продолжи со презентирање на материјалните докази.

Пожарот во дискотеката „Пулс“ избувна на 16 март 2025 година.

Во тој момент во објектот настапувала музичката група ДНК.

Во трагедијата животот го загубија 63 лица, а повеќе од 200 беа повредени.

Судењето го води судијката Дијана Груевска-Илиевска.

Обвинението го застапува тим од 15 јавни обвинители.