Втор уписен рок за средно образование на 23 јуни, слободни се 11.882 места

22/06/2026 7:39

Втор уписен рок за средно образование ќе се одржи на 23 јуни.

Учениците кои не успеаја да се запишат во средните училишта во првиот рок ќе имаат нова можност.

Станува збор за уписите за учебната 2026/2027 година.

Документи на 24 јуни, резултати на 25 јуни

Како што информира Министерството за образование и наука, потребната документација ќе треба да се достави до училиштата на 24 јуни.

Резултатите од запишувањето ќе бидат објавени на 25 јуни до 12:00 часот.

Тие ќе бидат достапни преку огласните табли и интернет-страниците на училиштата.

Доколку во одредени училишта има кандидати со ист број бодови, ќе се организира квалификациско тестирање.

За вториот јунски рок, тестирањето е закажано за 29 јуни.

Конечните ранг-листи ќе бидат објавени истиот ден.

Според податоците од МОН, во средните училишта низ државата остануваат слободни вкупно 11.882 места.

Од нив, 7.404 места се за настава на македонски јазик.

За настава на албански јазик има 4.002 слободни места.

За настава на турски јазик се слободни 456 места.

За настава на српски јазик има 20 слободни места.