Масовен прекин на социјалните мрежи и сервиси ширум светот

Масовен прекин на социјалните мрежи и онлајн сервиси ширум светот

Корисници ширум светот доцна синоќа пријавуваа сериозни проблеми со пристапот до повеќе популарни онлајн платформи, социјални мрежи и телекомуникациски услуги. Според податоците од платформите за следење на прекини во сообраќајот, регистриран е нагол скок на пријави кај десетици глобални сервиси.

Погодени платформи и социјални мрежи

Проблемите се евидентирани кај големите платформи за забава и комуникација како Steam, Instagram, YouTube, X (Twitter), Facebook и Roblox. Графиконите на мониторинг-системите покажуваат нагли пикови кои јасно укажуваат на прекини или драстично намалени перформанси.

Телекомуникациски оператори исто така во дефект

Покрај социјалните мрежи, во дефект се и дел од најголемите светски телекомуникациски оператори како AT&T, Verizon, T-Mobile, Spectrum и Xfinity.

Проблеми и кај гејмерските платформи

Техничките потешкотии не ги заобиколија ниту гејмерите. Зголемен број падови се пријавени и кај Nintendo eShop, како и кај популарните видеоигри Valorant и League of Legends, но и на апликацијата TikTok.

Причините засега непознати

Засега нема официјална потврда за точните причини за овој масовен прекин. Не е познато дали станува збор за поширок технички дефект, проблем со глобалната интернет-инфраструктура или изолирани дефекти кај самите компании.

Надлежните инженерски тимови на погодените сервиси веќе работат на детекција на проблемот и нормализирање на интернет-сообраќајот.

Share on Facebook

Tweet

Follow us

Save