Земјотрес почувствуван ноќеска во Тетово, Гостивар и околината
29/06/2026 8:51
Ноќеска, неколку минути по полноќ, бил почувствуван земјотрес со епицентар во епицентралното подрачје Тетово-Гостивар.
Според податоците на Сеизмолошката опсерваторија при Природно-математичкиот факултет во Скопје, земјотресот бил регистриран во 00:06 часот.
Од Опсерваторијата соопштија дека земјотресот бил со локална Рихтерова магнитуда ML 3.0.
Почувствуван во Тетово, Гостивар и околината
Според досегашните податоци со кои располага Сеизмолошката опсерваторија, земјотресот бил почувствуван од жителите на Гостивар, Тетово и околните места.
Интензитетот на земјотресот е проценет на III степени според Европската макросеизмичка скала.
Засега нема информации за причинета материјална штета.
Ноќеска, неколку минути по полноќ, бил почувствуван земјотрес со епицентар во епицентралното подрачје Тетово-Гостивар.
