По завршувањето на градежните работи пругата повторно е во функција
Железничкиот сообраќај на релацијата Скопје-Битола повторно е воспоставен откако завршија градежните работи на пругата Скопје-Битола-Жабени, на делницата од железничката станица Бакарно Гумно до товариштето „Никола Карев“.
Од МЖ Инфраструктура информираат дека од денеска, 15 јули 2026 година, повторно почнува сообраќајот на патничките возови меѓу Скопје и Битола.
Објавен е и возниот ред
Според објавените информации, на релацијата Скопје-Битола ќе сообраќаат:
Воз бр. 641 – поаѓа во 07:06 часот (15 јули 2026)
Воз бр. 645 – поаѓа во 20:05 часот (15 јули 2026)
На релацијата Битола -Скопје ќе сообраќаат:
Воз бр. 644 – поаѓа во 18:22 часот (15 јули 2026)
Воз бр. 640 – поаѓа во 03:10 часот (16 јули 2026)
Нормализирање на железничкиот сообраќај
Со повторното пуштање во употреба на оваа делница, патничкиот железнички сообраќај меѓу Скопје и Битола повторно се нормализира, што ќе овозможи редовно поврзување на двата града по завршувањето на инфраструктурните зафати.
