Воз излета од шините утрово во областа Гопенштајн, во швајцарскиот кантон Вале, откако лавина ја погодила железничката пруга. Полицијата потврди дека на местото на настанот е во тек обемна операција и дека има повеќе повредени лица.
Според соопштението на локалната полиција објавено на платформата Икс, безбедносните сили веднаш реагирале, а првичните информации укажуваат дека дел од патниците се здобиле со повреди.
Портпарол на железничката компанија BLS изјави дека излетувањето од шините било директна последица на лавина што ја погодила пругата.
Инцидентот се случил меѓу Гопенштајн и Хохтен
Несреќата се случила во областа Штокгрејб, на делницата помеѓу Гопенштајн и Хохтен. Во возот имало околу 80 патници.
Од Швајцарски федерални железници (SBB) соопштија дека железничкиот сообраќај на оваа линија ќе остане во прекин најмалку до вторник во 4:00 часот наутро.
Според информациите објавени од BLS за швајцарскиот портал Blick, станува збор за регионален експресен воз кој тргнал од Шпиц во кантонот Берн околу 6:00 часот наутро.
Компанијата најави дека процесот на евакуација на патниците започнал веднаш по инцидентот.
Операцијата продолжува
Властите ја продолжуваат спасувачката и безбедносната операција на терен, додека се очекуваат дополнителни официјални информации за состојбата на повредените и точните околности што довеле до несреќата.
16.02.2026 – 07:00 Uhr, Goppenstein, Zugsentgleisung, vermutlich mit verletzten Personen, Einsatz läuft, weitere Informationen folgen. pic.twitter.com/AHZxFhZ2w6
