Хакирана службената електронска адреса на главниот државен ревизор Максим Ацевски
31/07/2026 15:44
Хакирана е службената електронска адреса на главниот државен ревизор Максим Ацевски, од која биле испраќани неовластени пораки. Тој ги повика примателите да не постапуваат по нив и веднаш да ги избришат.
Ацевски предупреди дека лажните пораки содржеле барања за внесување корисничко име, лозинка или други доверливи информации.
Тој апелира примателите да не отвораат сомнителни линкови и да не споделуваат лични податоци.
„Доколку сте кликнале на линк или сте внеле податоци, веднаш променете ја лозинката на вашата електронска пошта и известете ја вашата ИТ-служба“, се наведува во известувањето.
Сметката е обезбедена
Според Ацевски, ИТ-службата на Државниот завод за ревизија навремено реагирала.
Електронската сметка била обезбедена, а биле преземени мерки за спречување понатамошна злоупотреба.
Главниот државен ревизор препорачува сите корисници превентивно да ги променат лозинките на своите електронски пошти.
„Се извинувам за евентуалната непријатност и ви благодарам за разбирањето“, порача Ацевски.
Хакирана е службената електронска адреса на Максим Ацевски, но од ДЗР информираат дека сметката е обезбедена и злоупотребата е запрена.
Хакирана е службената електронска адреса на главниот државен ревизор Максим Ацевски, од која биле испраќани неовластени пораки. Тој ги повика примателите да не постапуваат по нив и веднаш да ги избришат.
