Од денеска кризна состојба во цела Македонија поради опасноста од пожари
01/08/2026 9:16
Од денеска е прогласена кризна состојба во цела Македонија поради зголемената опасност од пожари на отворен простор и шумски пожари. Одлуката ќе важи 30 дена, почнувајќи од 1 август 2026 година.
Владата ја донесе одлуката на вчерашната седница, со цел навремено и координирано справување со можните пожари.
Предвидено е максимално мобилизирање на расположливите институционални капацитети. Главна цел е заштита на животите на граѓаните, нивниот имот, животната средина и природните ресурси.
Ќе се активира Главниот штаб на ЦУК
Со одлуката се предвидува активирање на Главниот штаб при Центарот за управување со кризи.
Штабот ќе биде во постојано заседавање и во рок од 24 часа треба да подготви акциски план за превенција и справување со пожарите.
Дополнително, ќе биде изготвен преглед на расположливите човечки и материјално-технички ресурси.
Планот треба да го утврди и начинот на координирано дејствување на сите надлежни институции.
Институциите ги ставаат капацитетите на располагање
Владата ги задолжи сите органи на државната управа да постапуваат согласно со прописите за управување со кризи.
Институциите треба целосно да ги стават своите капацитети на располагање за навремена и ефикасна реакција на терен.
Од Владата наведуваат дека мерката е донесена поради зголемените ризици од пожари и потребата од проактивно дејствување.
Од денеска кризна состојба во цела Македонија ќе важи во следните 30 дена, со цел подобра координација и побрза реакција при појава на пожари.
Од денеска е прогласена кризна состојба во цела Македонија поради зголемената опасност од пожари на отворен простор и шумски пожари. Одлуката ќе важи 30 дена, почнувајќи од 1 август 2026 година.
