Еве кога ќе се одржат предвремените избори за градоначалник на Брвеница
07/08/2026 12:28
Еве кога ќе се одржат предвремените избори за градоначалник на Брвеница – гласањето е закажано за 18 октомври 2026 година.
Претседателот на Собранието, Африм Гаши, ја потпиша одлуката за распишување на изборите и соопшти дека таа е донесена во согласност со Уставот, Изборниот законик и важечките закони.
Гласањето ќе се одржи на 18 октомври
Со потпишувањето на одлуката официјално започнуваат постапките за организирање на предвремените избори за градоначалник на Општина Брвеница.
Од Државната изборна комисија, Општинската изборна комисија во Брвеница и другите надлежни институции Гаши побара изборниот процес да биде спроведен професионално и непристрасно.
Тој нагласи дека сите постапки треба да се спроведуваат согласно законските процедури.
Повик до кандидатите за достоинствена кампања
Гаши ги повика кандидатите и политичките субјекти изборната кампања да ја водат со програми, идеи и визија за развојот на општината.
Тој побара да се избегнуваат пораки кои можат да предизвикаат поделби или да ја нарушат довербата во демократскиот процес.
Еве кога ќе се одржат предвремените избори за градоначалник на Брвеница – гласањето е закажано за 18 октомври 2026 година.
