Познат идентитетот на загинатиот на патот Охрид-Кичево: Почина кошаркарскиот тренер Антонио Савески
03/09/2026 14:58
Познат е идентитетот на загинатиот на патот Охрид-Кичево. Станува збор за 33-годишниот кошаркарски тренер Антонио Савески од Охрид.
За несреќата веќе беше објавено дека се случила синоќа на магистралниот пат Охрид-Кичево.
Савески бил добро познат во македонската кошарка
Антонио Савески бил добро познат во македонската кошарка. Особено се истакнувал со работата со младинските категории.
Последниот тренерски ангажман го имал во Кошаркарскиот клуб Ангели.
Во својата кариера работел и во Вардар, Водно Санс и Охрид.
Возилото удрило во кучиња, а потоа се запалило
Според информациите од полицијата, несреќата била пријавена во СВР Охрид во 23:30 часот.
Автомобил „хјундаи гец“ со охридски регистарски ознаки најпрво удрил во кучиња скитници.
Потоа возилото удрило и во металните браници покрај патот и се запалило.
Пожарот го изгаснала екипа на Територијалната противпожарна единица Охрид.
Во автомобилот било пронајдено телото на починатиот возач.
Наредена обдукција
По наредба на јавен обвинител, телото било предадено на Судска медицина.
Увид извршиле јавен обвинител и екипа на СВР Охрид.
Додека траел увидот, сообраќајот бил пренасочен по регионалниот пат Охрид-Струга.
Познат е идентитетот на загинатиот на патот Охрид-Кичево. Станува збор за младиот кошаркарски тренер Антонио Савески.
ПОВРЗАНИ ВЕСТИ
