За влакно избегнавме трагедија: Мајка со седумгодишна ќерка бегале од улични кучиња кај Цементара за да се спасат

Улични кучиња кај Цементара предизвикале опасен инцидент во Скопје, откако мајка со својата седумгодишна ќерка морала да побегне на коловоз за да се спаси.

Според нејзината објава на LinkedIn, инцидентот се случил на улицата „Борис Трајковски“, спроти бензинската пумпа „Лукоил“.

Жената наведува дека кон неа и нејзината ќерка се упатиле три кучиња, по што биле принудени да истрчаат на улица по која во тој момент се движеле автомобили.

„За влакно избегнавме трагедија“

„За влакно избегнавме сериозни повреди. Бевме принудени да истрчаме на улица по која се движеа автомобили, дополнително загрозувајќи ги нашите животи“, пишува мајката.

Таа наведува дека овојпат имале среќа, но предупредува дека следниот ваков случај може да заврши со потешки последици.

„Денес имавме среќа. Но, што ако утре некое дете ја нема? Ова не е единствен случај и не смее да се чека трагедија за некој да реагира“, додава таа.

Случајот бил пријавен во полиција

Според нејзиното сведоштво, случајот веднаш бил пријавен во полиција.

Оттаму била упатена дека за заловување на кучињата е надлежно ЈП „Лајка“.

„До кога одговорноста ќе се префрла од една институција на друга? Не бараме изговори, туку конкретна реакција и одговорност“, наведува таа.

„Лајка“ работи со целосно исполнет капацитет

Проблемот со бездомните кучиња во Скопје подолго време предизвикува реакции кај граѓаните.

Директорот на ЈП „Лајка“, Војислав Димитровски, претходно изјави дека прифатилиштето има капацитет од околу 180 кучиња и дека во моментов е целосно исполнето.

Околу 50 кучиња престојуваат подолг период поради здравствени причини, дополнителна проценка или затоа што сè уште не е пронајден вдомувач.

Од претпријатието нагласуваат дека само проширувањето на капацитетот не може трајно да го реши проблемот.

Клучен проблем е и напуштањето домашни кучиња

Како една од главните причини се посочуваат неодговорното сопствеништво и напуштањето животни.

Додека дел од кучињата на улиците се третираат, нова популација постојано се создава ако домашни кучиња се напуштаат или неконтролирано се размножуваат.

Според Димитровски, потребни се континуирана стерилизација, регистрација, микрочипирање и поголема контрола на сопственичките кучиња.

Зголемен број третирани и вдомени кучиња

Во 2026 година бројот на третирани кучиња е зголемен за околу 30 проценти во однос на претходната година.

Од септември обемот на работа е зголемен за 59 проценти, а просечно месечно се вдомуваат меѓу 30 и 35 кучиња.

Во септември биле вдомени рекордни 44 кучиња.

Во „Лајка“ е воведена и двосменска работа на заловувачите, а започнат е и тест-период со 24-часовна покриеност на Скопје.

Граѓаните бараат побрза реакција

Од претпријатието проценуваат дека со континуирана работа и со вклучување на останатите институции, бројот на бездомни кучиња може да се намали во период од година и половина до две години.

Случајот кај Цементара, сепак, повторно го отвора прашањето колку брзо системот може да реагира во ситуации кога граѓаните се чувствуваат директно загрозени.

Уличните кучиња кај Цементара овојпат не предизвикале трагедија, но сведоштвото на мајката повтор