Водителите на популарните автомобилски серии „Top Gear“ и „Grand Tour“ по 20 години ја завршуваат заедничката работа.
18/07/2024 21:06
По навестувањата дека на серијата „Grand Tour“ и доаѓа крајот, сега доаѓаат и официјални информации за гасењето на оваа забавна автомобилска емисија.
Џереми Кларксон, Ричард Хамонд и Џејмс Меј го завршуваат своето ТВ партнерство и „стават катанец“ на нивната продукциска куќа “W. Chump and Sons”.
Според Дејли Мејл, триото се разделува по 21 година работа на емисии како „Top Gear“ на „BBC“ и „The Grand Tour“ на каналот „Prime Video“.
Гласините од декември 2023 година навестија дека претстојниот специјален настан во Зимбабве ќе биде последен пат да ги видиме заедно на телевизија, а сега знаеме дека навистина е така.
„Тоа го решивме многу одамна. Секогаш сакавме сами да одлучуваме кога, каде и како ќе ја завршиме нашата заедничка работа“, рече Ричард Хамонд во изјавата на почетокот на оваа година.
Кларксон и Хамонд станаа водители на „Top Gear“ на „BBC“ во 2002 година, а Џејмс Меј се приклучи две сезони подоцна.
По 13 години на „Top Gear“,„BBC“ одлучи да не го обнови нивниот договор и триото тргна на „Grand Tour“ на „Prime Video“ во 2016 година.
Џереми Кларксон ќе продолжи да го прави својот втор „Prime Video“ хит, „Clarkson’s Farm“, додека Хамонд и Меј најверојатно ќе имаат свои спин-оф шоуа.
Меј веќе има направено неколку специјалитети за патување и готвење за „Prime Video“, додека Хамонд има шоу за преживување од 2021 година наречено „The Great Escapists“.
Што се однесува до серијата „Grand Tour“, се шпекулира дека „Prime Video“ би можел да ги замени тројцата водители и да продолжи со снимањето на новите сезони. Ќе треба да почекаме и да видиме дали тоа навистина ќе се случи.
