Камбовски: Невозможно е да постојат две национални академии во една држава
29/07/2024 8:55
Академикот Владо Камбовски се изјасни против идејата за основање на Албанска академија на науките и уметностите, нагласувајќи дека постоењето на таква институција во една држава е невозможно.
„Во една држава не може да има две национални академии. Во ниту една држава во светот не постојат две национални академии на науките и уметностите. Возможно е да се формираат, на пример, здравствени здруженија, но невозможно е да има две национални академии“, изјави академик Камбовски во разговор за ТВ 24.
Тој истакна дека научните и уметничките институции треба да се основаат на општи научни и културни вредности, а не на етничка или политичка припадност, бидејќи тоа може да предизвика поделби и конфликти во научната заедница.
Коалицијата „Вреди“ најави започнување постапка за формирање на Албанска академија на науките и уметностите. Лидерите на „Вреди“ планираат општинско финансирање како привремено решение, додека не се донесе закон кој ќе го регулира ова прашање.
Академикот Владо Камбовски се изјасни против идејата за основање на Албанска академија на науките и уметностите, нагласувајќи дека постоењето на таква институција во една држава е невозможно.
