Врховниот суд на САД ја поддржа забраната на ТикТок: Рок за продажба до недела
17/01/2025 20:09
Врховниот суд на САД ја потврди забраната на апликацијата ТикТок заради националната безбедност, со образложение дека компанијата „Бајтденс“, која ја поседува апликацијата, може да овозможи пристап на кинеската влада до лични податоци на корисниците. Судот едногласно одлучи дека забраната не го крши Првиот амандман, кој ја гарантира слободата на говорот. Законодавството за забрана беше усвоено минатата година со поддршка од двата политички блока и потпишано од претседателот Бајден.
Портпаролката на Белата куќа нагласи дека ТикТок може да остане достапен за Американците, но само ако е под американска контрола или под компанија што ги задоволува безбедносните критериуми. Кинеската влада има влијание над ТикТок преку компанијата „Бајтденс“, што предизвика сериозни сомнежи во САД за потенцијалните ризици од собирање на податоци и влијанието на странски сили.
Сегашниот рок за продажба на ТикТок до недела поставува краен период за преговори, а ако продажбата не се реализира, апликацијата може да биде забранета во САД.
